منظّم الزفاف | قالب Notion متكامل لتنظيم زفافك 🤍
145.00 ر.س
199.00 ر.س خصم 27%مو مجرد منظم زفاف… هذا المكان اللي يخلي كل شيء تحت سيطرتك. 🤍
بدل ما تتوزع تفاصيل زفافك بين الملاحظات والمحادثات والحاسبة، Swanvally يجمع لك المهام، الميزانية، الموردين، الضيوف والمواعيد في مكان واحد مرتب وسهل.
كل تفاصيل زفافك… في مكان واحد
التخطيط للزفاف ممتع، لكن مع كثرة المواعيد، الدفعات، الموردين، المهام، الضيوف والمشتريات تبدأ التفاصيل تتوزع بين الملاحظات والمحادثات والجداول، ويصير سهل يضيع منك شيء مهم.
منظّم الزفاف صُمم عشان يجمع لك رحلة التخطيط كاملة داخل مساحة واحدة مرتبة وسهلة على Notion؛ تعرفين منها وش خلصتي، وش باقي عليك، كم صرفتي، مين حجزتي، ومتى دفعتك الجاية — بدون تشتت. ✨
ماذا ستجدين داخل المنظّم؟
✓ إدارة المهام والمواعيد رتبي كل اللي عليك حسب المرحلة والأولوية، وتابعي إنجازك أول بأول.
✓ تنظيم الميزانية والمصاريف حددي ميزانيتك، سجلي التكلفة الفعلية لكل بند، وتابعي الفرق بين المخطط والمصروف.
✓ متابعة الدفعات تلقائيًا سجلي العربون والأقساط وكل دفعة بشكل منفصل، وبمجرد تحديدها كـ «مدفوعة» يتم تحديث إجمالي المدفوع ونسبة السداد تلقائيًا.
✓ إدارة الموردين والحجوزات اجمعي خيارات الموردين، قارني بينهم، واحفظي تفاصيل الحجوزات والأسعار والدفعات والملاحظات في مكان واحد.
✓ تنظيم قائمة المدعوين تابعي المدعوين وحالة الحضور، ورتبي بياناتهم بدل تشتتها في أكثر من مكان.
✓ تنظيم المهر والمشتريات مساحة خاصة تساعدك ترتبين احتياجات ومشتريات المهر وتتابعين ميزانيتها.
✓ مراجع للعروس مراجع عملية ترجعين لها أثناء التخطيط وتساعدك تعرفين الأشياء المهمة والأسئلة اللي تحتاجين تسألينها قبل اتخاذ قراراتك في تفاصيل الزواج.
✓ إضافات سريعة أزرار جاهزة تساعدك تضيفين المهام والمصاريف والموردين وغيرها بسرعة بدون ما تحتاجين ترتبين الصفحات من الصفر.
✨ المنظّم مو مجرد Checklist
الفكرة إن تفاصيل زفافك تكون مرتبطة ببعضها.
لما تسجلين دفعة لمورد، تقدرين تتابعين اللي دفعتيه والمتبقي. ولما تضيفين مدعوين، تكون أعدادهم قدامك. ومع كل تحديث، تحصلين على نظرة أوضح لوضع تجهيزات زفافك.
صُمم لك إذا كنتِ…
تحبين التنظيم، لكن ما تبين تبنين نظام كامل من الصفر، أو تحسين أن تفاصيل الزواج بدأت تتوزع بين WhatsApp والملاحظات والجداول والصور.
افتحي منظّمك، سجلي تفاصيلك، وخلي كل شيء قدامك من بداية التخطيط وحتى يوم الزواج. 🤍
ملاحظة: هذا منتج رقمي مصمم للاستخدام على Notion ويمكن تخصيص محتواه وإضافة بياناتك بما يناسب زفافك.